Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin fevral ayında Beynəlxalq Təhlükəsiz İnternet Günü ilə əlaqədar keçirdiyi təlimin iştirakçısı olmuş ümumtəhsil müəssisələrinin müəllimləri şagirdlər üçün açıq dərslər təşkil ediblər.
Xeberler.az bildirir ki, açıq dərslər Bakı, Şamaxı, Qəbələ, Mingəçevir, Zaqatala və Şəkinin ümumtəhsil məktəblərində keçirilib. Elektron Təhlükəsizlik Xidməti 70 informatika müəllimini əvvəlcədən təlim materialları ilə təmin edib.
Açıq dərslərə 6-11-ci sinif şagirdləri – ümumilikdə 2600-dən artıq məktəbli cəlb olunub. Onlar zərərli informasiya, mövcud kibertəhdidlər və təhlükəsiz internet mühitinin formalaşdırılması üçün əsas kibergigiyena qaydaları barədə məlumatlandırılıblar.
Qeyd edək ki, Elektron Təhlükəsizlik Xidməti uşaqların internetdən təhlükəsiz istifadəsi məsələsini daim diqqətdə saxlayır. Qurum 2013-cü ildən mütəmadi olaraq bu sahədə maarifləndirmə tədbirləri həyata keçirir.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri